Yá tornamos

Biban todos ls oubintes!

Stamos de buolta para outra série de programas "Nós deiqui".

Desta beç l programa ye feito an direto a las quintas de las 10h a las 11h e repite no sábado de las 11h a las 12h.

Tenemos nuobas i buonas músicas, cumbersas subre temas atuales i antigos, i ua crónica semanal feira por António José Ferreira, mais coicido por Tó Zé.

Para scuitarde, ides a este sítio: :

http://mirandumfm.com/


Bons programas

Squilos an Miranda

Trás-donte (díe 14 de Abril) apuis de almorçar fui a dar ua buolta a ber se achaba ls perros que se scaporun a miu suogro. Qual nun fui l miu spanto, que an riba dua parede adnaba este bechico que bos amostro eiqui, si, un squilo!


Pur suorte teníe la maquina de retratos no carro. Saquei-la i fiç estes retratos.
Aspero que góstades.
Diç que fuorun ls de l parque que ls betorun.

Retrato de Paulo Meirinhos

Retrato de Paulo Meirinhos

Retrato de Paulo Meirinhos

Torneio de pesca

Scuita an direto

Scuitantes:
Podeis lhigar-bos an direto a la rádio neste sítio:

http://mirandumfm.com/

L programa ye apresentado an direto a las sestas de las 10H a las 11H, i repetido als sábados an diferido de las 11H a las 12H.

Tiempo de antena para todos

Este tiempo de antena que tenemos para chegar a muita giente, ye buosso tamien, bonda para isso que mos fágades chegar la anformaçon que quereis dibulgar (mormente de atibidades culturales) i apuis falaremos suobre eilhes ne l purgrama.

Nós deiqui i bós daí

Nós deiqui ye un programa de rádio falado an Mirandés.

Ye realizado i apersentado por Duarte Martins iPaulo Meirinhos na Mirandum FM i transmitido an direto pa las rádios Brigantia i Alfandega FM.

Speremos que seia de l buosso agrado.